RUS
SMARTNEWS.KZ басылымының хабарлауынша, Өзбекстанда 8-сынып оқушылары бір жігітке таласып, төбелесіп қалды.
Жергілікті БАҚ-тың мәліметінше, оқиға Әндіжан облысының Ходжаабад ауданында болған.
М.М. есімді жасөспірім Р.И. есімді құрбысымен телефон арқылы ұрысып қалған. Себебі М.М. әлеуметтік желі арқылы Р.И. мен өз танысының сөйлесіп жүргенін біліп қалған. Екеуі мәселені кездесіп шешкпек болған. Алайда өздерімен бірге сыныптастарын ертіп келіп, кездесудің соңы төбелеске ұласқан.
Жанжалды 16 жастағы қыз видеоға түсіріп, өзінің Instagram-дағы парақшасында жариялаған. Белгілі болғандай ол қыздардың бірі ертіп барған әпкесі боп шықты. Ролик әлеуметтік желіде тез тарап кетті.
Ходжаабад ауданының полициясы оқиғаға қатысты пікір білдіріп, қатысушылардың барлығының жеке басы анықталғанын, қазіргі уақытта құзырлы органдар тексеріп жатқанын алға тартты.