«Балалардың қауіпсіздігі үшін»: Енді 16 жасқа дейінгі балаларға әлеуметтік желіні пайдалануға тыйым салынады
Аталған заң Аустралияда қабылданып жатыр.
SMARTNEWS.KZ басылымының хабарлауынша, Аустралия билігі 16 жасқа толмаған балаларға әлеуметтік желілерді пайдалануға тыйым салатын заң жобасын ұсынды.
Заң жобасына сәйкес, ата-аналары рұқсат берген балалар да әлеуметтік желілерді пайдалана алмайды.
The Australian басылымының мәліметінше, премьер-министр Энтони Альбанезе бұл туралы бейсенбі күні айтты. Ол мұның барлығы ең алдымен ата-аналар үшін қажет екенін де қоса кетті.
Әлеуметтік желілер біздің балаларымызға зиянын тигізіп жатыр, сондықтан оларға тыйым салу керек. Мен мыңдаған ата-ана, әже, атамен сөйлестім. Олардың барлығы балаларының интернеттегі қауіпсіздігі үшін алаңдаулы. Мен Аустралия билігі ата-аналар мен отбасылардың жағында екенін еске салғым келеді, - деді ол.
Сонымен қатар ереже бұзғандар жазаланбайтынын да айта кетті.
Материал авторы
