RUS
SMARTNEWS.KZ басылымының хабарлауынша, алматылық әйел Адам құқықтары мен заңдылықты сақтау жөніндегі Қазақстан халықаралық бюросында өткен брифингте зорлықтың құрбаны болғанын айтты. Бірақ полиция жәбірленушінің арызын қабылдамаған көрінеді.
Алматы тұрғыны осы жазда зорлау әрекетінің құрбаны болған. Айтуынша, ол 8 маусым күні мектеп бітіргеніне 20 жыл толуын сыныптастарымен бірге атап өткен. Оқиғадан соң әйел таңертең үйіне мас күйінде оралған. Үйге таксимен келген соң есіктің кілті жоғалтып алғанын білген. Сосын ол жол жиегінде сүрініп, есінен танып қалған.
“Келесі күні таңертең белгісіз ер адаммен жалдамалы пәтерде ояндым. Ол менің рұқсатымсыз менімен жыныстық қатынасқа түскен. Мен неге полиция шақырмағанын сұрадым. Ол ұйықтап қалғанда мен қашуға тырыстым, бірақ ол мені жібермей, тағы екі рет зорлық жасады. Мен кетіп қалдым, ол алтын бұйымдарымды ұрлап алды.
Түрксіб полиция бөліміне арыз жазуға бардым, бірақ олар арызымды қабылдамады. Олар жай ғана бейнебақылау камераларына қарады, олар менің үйдің жанында қалай құлағанымды және тоғыз минуттай ес-түссіз жатқанымды көрсетті. Сосын бір көлік тоқтап, жүргізушісі мені ес-түссіз күйде көлігіне отырғызып әкеткен", – дейді жәбірленуші.
Жәбірленушінің айтуынша, оның ісі үш апта бойы тергелмеген. Осы уақыт ішінде әйел өзі зорлық-зомбылыққа ұшыраған жалдамалы пәтерді өз бетінше тауып, айғақ ретінде - төсек-орын жабдықтарын жинап үлгерген. Пәтердің иесі әйелге сол күні такси жүргізушісі пәтерін жарты күнге жалға алғанын да айтқан.
Әйел полицияның алғашында зорлау дерегі жоқтығын алға тартып, арызды тек ұрлық фактісі бойынша қабылдағанын да атап өтті. Жәбірленуші мемлекеттік қорларға және БАҚ-қа хабарласқан соң ғана, тергеушілер зорлау фактісін тексере бастаған.
Полицияның мәліметінше, 4 қараша күні аталмыш дерек бойынша қозғалған қылмыстық іс сотқа жіберілген.