RUS
SMARTNEWS.KZ басылымының хабарлауынша, Шымкент қаласының экс-әкімі Мұрат Әйтеновтің ағасы Марат Әйтенов бұрынғы жұбайы Дана Әтешовадан туған 3 баласына алимент бойынша миллиондаған қарызын төлей алмағаны үшін Mercedes S-класты көлігі тәркіленді. Мұны елордалық жеке сот орындаушылар палатасы мәлімдеді.
"Жеке сот орындаушысы үш балаға алимент өндіріп алу туралы атқарушылық іс жүргізу бойынша борышкердің автомашинасын алып, айыппұл тұрағына қамады. Қарыз 23 миллион теңгеден астам соманы құрады", - деді орындаушылар.
Mercedes S-класы Марат Әйтеновтің балаларына қарызын өтеу үшін e-Auction электрондық сауда алаңында сатылады. Оның бұрынғы әйелі Дана Әтешева қымбат көлікті тәркілеуге көмектескен жеке сот орындаушысы мен судьяға алғысын білдірді.
"Мұндай байланыстар мен шағымдар санына бәрі бірдей төтеп бере алмайды. Әділ және адал судьялар бар. Олардың арқасында мен алға жылжып келемін", - деп жазды ол Instagram парақшасында.