RUS
SMARTNEWS.KZ басылымының хабарлауынша, ҚР Мәдениет және ақпарат министрлігі ата-аналар үшін қолжетімді шешімдер шолуын ұсынды.
Ересектердің әлжелілердегі балалар қауіпсіздігіне қатысты көп алаңдаушылық білдіруі орынды әрекет. Заңсыз материалдарды тарату, балаларды түрлі қылмысқа тарту, тіпті суицидке дейін жеткізетін манипуляция интернет алаңында көп.
Мемлекеттік құзырлы органдар мұндай бассыздыққа қарсы тұру үшін қандай да бір шараларды қолданып жатқанмен, әр баланың қауіпсіздігін жеке бақылауға алуға органдардың құзыры жете қоймайды. Мұндай жағдайда әр ата-ана өз баласының қауіпсіздігі үшін оларды толыққанды интернетті пайдаланудан шектемей-ақ, бүлдіршіндерді ата-ана құқығы арқылы бақылауға алса болады.
Балаларды бақылауға арналған сервистер заңсыз контентке қол жеткізуді шектеуге, онлайн-әрекеттерді қадағалауға және телефонды пайдалану уақытын бақылауға көмектеседі.
Ондай пайдалы қосымшалардың қатарына мыналар кіреді:
- Kaspersky Safe Kids: сайттарды бұғаттау, геолокация, белсенділік туралы есептер.
- Dr.Web Security Space: антивирус және ата-ана бақылауы, контентті сүзу.
- Qustodio (Испания): контентті сүзу, экран уақытын шектеу, әлеуметтік желілерді бақылау.
- Net Nanny (АҚШ): контентті бұғаттау, экран уақытын шектеу және орналасқан жерді қадағалау.
- Norton Family: сайттарды сүзу, пайдалану уақытын шектеу және іздеу сұрауларын қадағалау.
- Kidslox: экран уақытын шектеу, қосымшаларды бұғаттау және орналасқан жерді қадағалау.
- Parental Control Kroha (Украина): қосымшаларды бұғаттау, веб-бақылау, белсенділікке мониторинг жасау.
- Google Family Link: Android жүйесінде белсенділікті бақылауға арналған тегін қосымша. Ата-ана мен баланың құрылғыларына орнату қажет.
- Kidlogger: белсенділікті қадағалауға мүмкіндік беретін пассивті бақылау.
- Кірістірілген мүмкіндіктер: Android үшін Google Play арқылы, iOS үшін — геопозицияны қадағалау үшін «Экран уақыты» және «Орналасқан жерді анықтау».
- TikTok Family Pairing: жасөспірімдердің TikTok қолдануын бақылау, экран уақытын шектеу және контентті сүзу мүмкіндігімен.