RUS
SMARTNEWS.KZ басылымының хабарлауынша, AIRAN журналистері Қуандық Бишімбаев отырған түрмеге барған.
Тілшілер Аршалы ауылындағы колонияда сұхбат пен түсірілім жүргізуге бірнеше өтініш жібергендерін, бірақ әр жолы түрме әкімшілігі түсірілімнен бас тартқан. Бұл жерге өз еркімен келген олар мекеме бастығы «Бишімбаевты мұнда ешкім ешқашан көрмегенін» айтқан. Тілшілер тағы бірнеше колонияға барса да, сотталған Бишімбаевты ол жерлерден таба алмай қойған.
Бишімбаевтың адвокаты журналистерге сотталушының түрмеде жоқтығын растаған. Айта кету керек, құқық қорғау органдары Қуандықтың қай колонияда отырғаны туралы деректерді 2024 жылдың шілдесінде жариялауды тоқтатқан.
Желіде қылмыскер шетелге қашып кеткен болуы мүмкін деген болжам пайда болды. Көпшілік «Бишімбаев өзіне еркіндік сатып алды» деп болжап отыр.
Тиісінше, Ішкі істер министрлігі Қылмыстық-атқару жүйесі комитеті «Бишімбаев абақтыдан қашып кетті» деген ақпаратқа ресми жауап берді.
«Әлеуметтік желілерде сотталған Қ. Бишімбаевтың қашқаны туралы жалған ақпарат таралып жатыр. Бұл шындыққа жанаспайды. Сотталған азамат қауіпсіздігі ең жоғары мекемеде жазасын өтеп жатыр», - деп хабарлайды комитеттің баспасөз қызметі.
Осы орайда Қылмыстық-атқару жүйесі комитеті азаматтарды жалған ақпараттарды таратпауға және тек ресми деректерге сенуге шақырады.
«Осы іске қатысты жалған ақпаратты тарату бойынша қылмыстық іс қозғалғанын және кінәлілер жауапқа тартылатынын хабарлаймыз», - деп ескертті комитеттен.
Еске салайық, елорда соты бұрынғы Ұлттық экономика министрі Қуандық Бишімбаевты әйелін азаптап, өлтіргені үшін кінәлі деп тапты. Ол 24 жылға бас бостандығынан айырылған еді.