RUS
Бұл туралы Мәжіліс депутаттарының сауалына Премьер-Министрдің орынбасары Серік Жұманғаринның жауабында айтылған.
«Мектептегі тамақтану сапасына мониторинг жүргізу мақсатында Оқу-ағарту министрлігінің, санитариялық-эпидемиологиялық бақылау органдарының және жергілікті атқарушы органдардың өкілдерінен Республикалық ведомствоаралық жұмыс тобы құрылды.
Жұмыс тобы апта сайын нәтижелерді тыңдап, тиісті шаралар қабылдауда. Республика өңірлерінде құрылған тамақтану сапасын бақылау жөніндегі 222 ведомствоаралық сараптамалық топ комиссиялар қызметіне жүйелі мониторинг жүргізуде. Мониторинг 6 382 мектеп асханасын қамтыды», - деді вице-премьер.
Вице-министр аталған деректерді келтіре отырып, жыл басынан бері уланғандардың 80%-ы балалар екенін жеткізді.
«Осы жылдың 9 айы бойынша бақылау объектілерінде тамақтан жаппай уланудың 16 жағдайы тіркелген. Зардап шеккендердің жалпы саны – 722, оның ішінде балалар – 581 (80,5%). Аталған фактілер бойыншаматериалдар қылмыстық қудалау органдарына берілді, 12 қылмыстық іс қозғалды», - деді вице-премьер.