«Микрофонды алып, өзің қосылып айтып көр!»: Гүлзира Айдарбекова ұлының дауысына күмән келтіргендерге қатаң сын айтты (ВИДЕО)

SMARTNEWS.KZ басылымының хабарлауынша, белгілі продюсер Гүлзира Айдарбекова ұлы Қайрат Нұртастың тек жанды дауыста ғана ән салатынын айтты. 

Алдымен медиа менеджер ұлының жанкүйерлері көп шоғырланған Шымкент халқына алғыс білдірді. 

“Шымқаламда ұлым Қайраттың қатысуымен ән кеші бәріңізге ұнаған сияқты. Ең үлкен бақыттың бірі, рухани байлық халықтың қошеметі мен махаббаты. Бұл көрініске еш уақытта көзім тоймайтын шығар. Алланың берген бағымен ешкімнің таласы болмасын дегендей, осы бақты көтеріп жүру – парыз. Аналық жүрегіммен айтар алғысым шексіз және ризамын!”, – деп жазды продюсер. 

Одан кейін мегажұлдыздың тек жанды дауыста ғана ән салатынын айтып, мақтанып алды. 

“Уайымсыз болыңыз! Қайрат жанды дауыста айтып жүр. Сторисымды да, постымды да дұрыстап көзіңізді ашып, құлағыңызды тазалап тыңдап көріңіз. Той болсын, концерт болсын тек жанды дауыста айтып жүр. Ол баяғы елдің жаттанды әңгімесі ғой қалыптасып қалған. 

Музыкадан хабары жоқ, не айтсада фонограмма деп ойлап өсекке жатып алған. Құлақты түріп тыңдап көріңіз, не жанына барып микрофонды қолынан алып қосылып айтып көріңіз. Сол кезде бұл сөзге қайта оралмайтын боласыз”, – деп жауап қатты Гүлзира Үсенқызы.