RUS
SMARTNEWS.KZ басылымының хабарлауынша, Кеше түнде Көкшетауда ойын-сауық орындарының бірінде кісі өлімі болған. 22 жастағы жәбірленуші жігіттің трагедиясы туралы туыстары sinegor.kz басылымына айтып берген. Олар кінәлілерге әділ жаза сұрайды.
Туыстарының айтуынша, бәрі жас жігіттің неке қиған күнінде болған.
“Небәрі 22 жаста болған жас жігіт үйлену тойы күні көз жұмған. Полицейлер бұл жағдайға қатысты түсініктеме беріп, тергеу барысы басшылықтың бақылауында екенін түсіндірді.
Туыстары өз кезегінде қылмыскерлер жазадан құтылып кетуі мүмкін деп қорқады. Ақмола облысының әкімі бұл істі өз бақылауына алғанын қалаймыз”, – делінген желіде тараған ақпаратта.
Жас жігіттің өлімі туралы хабарды жеткізген оның туыстары журналистерге марқұмның соңғы бейнелерінің бірін ұсынды.
Қылмыс туралы Ақмола облысы полиция департаменті түсініктеме берді. Қазір жігіттің өліміне қатысты тергеу жүріп жатыр.
"12 қарашада Көкшетау ойын-сауық орындарының бірінде Красный Яр ауылының 22 жастағы тұрғыны өлі табылды. Аталған факті бойынша полицейлер ҚР ҚК Адам өлтiру 99-бабының 2-бөлігі бойынша сотқа дейінгі тергеу жүргізеді. Күдікті дереу ұсталып, уақытша ұстау изоляторына қамалды.
Сондай-ақ, жанжалдың барлық қатысушылары анықталып, ұсталды. Алты адамға қатысты ҚР ҚК-нің 293-бабы, 2-бөлігі ("бұзақылық") бойынша сотқа дейінгі тергеу жүргізілуде.
Біз аталған фактілер бойынша мұқият және объективті тергеу жүргізілетініне сендіреміз. Тергеу барысы басшылықтың бақылауында", - деді аймақ полиция департаменті бастығының орынбасары полиция полковнигі Бақтияр Өтекин.
Сол себепті оқиғаның нақты қай ойын-сауық орталығында болғаны әзірге белгісіз.