RUS
Жылы орнын өз еркімен босатқан Әділет Барменқұловтың орнына жайғасқысы келетіндер аз емес. Спортсүйер қауым бұл орынға іргелі ұжымның отымен кіріп, күлімен шығатын, қазақ футболын өрге сүйрейтін маман келсе екен деп отыр. Қоғамда танымал спорт комментаторы, ҚФФ баспасөз қызметінің жетекшісі Ермұхамед Мәуленнің кандидатурасы жиі айтылуда.
Бүгін Парламент Мәжілісінің жалпы отырысынан кейін ҚР Туризм және спорт министрі Ербол Мырзабосынов федерация басшылығына кім келетіні әлі белгісіз екенін айтты.
«Футбол федерациясы – өзінің атқарушы комитеті бар қоғамдық бірлестік. Әзірге, тиісті процедуралар атқарылып жатыр және кім келетіні белгісіз. Қалай болғанда да, барлық үміткерге толық талдау жасалады. Бір айдан кейін қорытынды конференция өтіп, онда кандидаттар жарияланады. Оның мүшелігіндегі барлық аймақтар жаңа президентті сайлайды. Біз де үміткерді таңдауға қатысамыз», - деді министр.
Ал, сіз бұл орынға кімді ұсынар едіңіз?