RUS
Құзырлы органдар ескерту жасаса да, темір тұлпарды жоғары жылдамдықпен тізгіндейтіндер азаймай тұр. Өзінің ғана емес, салондағы жолаушылардың өміріне де қауіп төндіретінін елемей жүр.
ҚР ІІМ Әкімшілік полиция комитетінің төрағасы Қайсар Сұлтанбаевтың мәліметінше, биыл елімізде 22 мыңнан астам жол апаты тіркеліп, 2 мың адам қаза тауып, 25 мыңнан астам адам жарақат алған.
«Жол апаты мен жарақат алғандар көрсеткіштерінің өсуі жол-көлік оқиғаларын есепке алу тәсілінің өзгеруімен байланысты. Қазір денсаулыққа келтірілген зиянға қарамастан, жол апатынан кейін медициналық мекемеге жүгінген барлық адамдар есепке алынады», - деді ол ОКҚ алаңында өткен баспасөз конференциясында.