Қант қызылшасы молынан жиналады: Қант бағасы арзандай ма?

Молынан жиналды деп есеп беру бір бөлек. Бастысы – қант бағасы арзандай ма?

«Биыл қант қызылшасының рекордтық өнімін жиналады. Шамамен 1,2 млн тоннаға тең. Бұл – қант зауыттарын шикізатпен жүктеуге және қант импортына тәуелділікті азайтуға мүмкіндік береді», - деді Айдарбек Сапаров.

Биылғы егіс науқаны елдің қант шикізатына деген сұранысын отандық фермерлер толық қамтамасыз ете алатынын көрсеткен.

«Біз климаттың өзгеруі қосымша қиындықтар туғызатын қауіпті егіншілік аймағында жұмыс істеп келеміз. Сондықтан озық агротехнологияларды белсенді енгізіп, мемлекеттік қолдау мүмкіндіктерін барынша пайдалану өте маңызды. Бұл шаралар өнімділікті арттырып қана қоймай, қолайсыз ауа райы жағдайында да кірісті сақтауға мүмкіндік береді», - деді ведомство басшысы.

Алдағы жылдарда да мол өнім жиналса, қант бағасы арзандар. Бұл туралы министр тіс жармады. Уақыт көрсетер.