RUS
SMARTNEWS.KZ басылымының хабарлауынша, АҚШ-та Висконсин штатында із-түссіз жоғалып, өлді деп саналған, үш баланың әкесі Райан Боргвардт Өзбекстандағы сүйіктісіне кетіп қалған.
People порталының дерегінше, Райан Боргвардттың жоғалып кеткені алғаш рет тамызда белгілі болды. 12 тамызда Боргвардтың көлігі көлдің батыс жағындағы Додж мемориалдық паркінің жанындағы тұрақтан табылған. Келесі күні балықшылар қорап, әмиян, кілт пен Боргвардқа тиесілі құжаттарды тапқан.
28 күн ішінде сүңгуірлер мен еріктілер Райан Боргвардттың денесін іздеп, таппаған. 7 қазанда полиция Боргвардттың төлқұжатын канадалық құқық қорғау органдары тексергенін білген. Ер адам құжатының жоғалғаны туралы мәлімдеп, 22 мамырда жаңасын алғаны белгілі болған.
Боргвардт жоғалып кетпес бұрын компьютерін тазалап, электрондық поштасын ауыстырып, сақтандыруды 375 мың долларға рәсімдеп, ақшаны шетелдік банкке аударған. Полиция ер адам өзінің өлімін қолдан жасап, Еуропаға қашып кетті деп санайды.
“Жаңа дәлелдердің арқасында біз Райанның көлімізде жоқ екеніне сенімдіміз", - деді жергілікті шериф.
Райан Боргвардттың кейін TikTok желісінен көрініп қалуы күтпеген жаңалық болды. Жоғалып кеткен соң ер адам бір-екі айдан кейін желідегі видеода блогерден «Өзбекстандағы сүйіктіме барғаным дұрыс па?» деп сұраған. Ол өзінің үйленгенін, бірақ басқаға сезімі бар екенін жеткізген. Сонымен қатар қандай шешімге келерін білмей жүргенін айтқан.