RUS
SMARTNEWS.KZ басылымының хабарлауынша, Мәжіліс депутаты Дәулет Мұқаев ауруханаға түсіп қалды. Бұл туралы ол оқырмандарына жеке парақшасында жеткізді.
Дәулет Мұқаев әзіл видео жариялап, өзіне ота жасалатынын айтты.
«Вдруг өліп кетсем деп операция алдында телефон тазаладым. Лайфхак. Әзіл шыны аралас рилс. Мен тірімін. Ертең жақсылап пост саламын. Ауырмаңыздар! Аман болайық», — деп жазды ол.
Кейіннен ол өзіне қандай ота жасалғанын ашып айтты.
Осыдан 10 жыл бұрын қисайған мұрын түзелді. Негізі көп адамда мұрын қисық екен. Бірақ қазақшылыққа салынып, жүре береді екенбіз. Мен әне-міне түзеймін деп жүргенде 10 жыл өте шыққан ғой. Ал уақыт өткен сайын оның салдары да қиын. Ең дұрысы - уақытында емделу. Отаны сәтті жасаған білікті дәрігер @dr.lor.kogay мырзаға, анестезиологқа, мейірбикелерге алғыс білдіремін. Қолыңыз дерт көрмесін!
Ps: 30-дан асқанда емдейтін жерлер жайлап көбейе береді екен. Тісті емдедік, көзді емдедік, енді міне, мұрын… Осылай жайлап төмендей береді. Өзге ақпараттарды сторисімде бөлісемін, – деді депутат.
Желі қолданушылары депутаттың тезірек сауығып кетуін тіледі.