«Үйіме келіп, жылап отыратын»: Баян Мақсатқызы Ерке Есмаханның өнерде жолы болмағанын айтып берді

SMARTNEWS.KZ басылымының хабарлауынша, шоу-бизнес өкілі әнші арудың жұлдызды сәтін ұзақ күтіп қалғанын  жасырмады. 

Жанар Дұғалованы «Алтын қыз» деп атадым. Бағымға көрсетіп, мықты дауыс иесі екенін бірден білдім. Ол менің алдыма 23-24 жасында келді. Өте ересек, ақыл тоқтатқан қыз болды.

Алайда қыздарымның ішінен жұлдызды сәтін ұзақ күткен Ерке Есмахан болды. Ол көп еңбектенсе де, жолы болмай жүрді. Екеуміз барымызды салдық. Бірақ сәті түспей жатты. 

Ол маған келіп, «Баян Мақсатқызы, сіз Жанарды, Мөлдірді, Кәмшатты жұлдыз еттіңіз. Неге менің бағым жанбай жатыр?» деп айтатын. Мен оған «Сенің уақытың келеді, күту керек, мойыма» дедім. Бұл сөздерімді өзі де растайды.

Ол ерекше нәзік дауыс иесі. Мұндай дауыс тыңдарманға ұнамауы мүмкін емес. Ол үйіме келіп, жылап отыратын. «Не істейміз?» деп басымыз қатты. Бірнеше рет жолымыз болмады. Бірақ соңында ол қыз эстраданы жарды. Ракета секілді ұшып кетті», - деді продюсер "Din Dina Show" бағдарламасында.