RUS
SMARTNEWS.KZ басылымының хабарлауынша, Ресейлік танымал әнші, композитор Леонид Агутин Алматыға келіп, арнайы Батырхан Шүкеновтің зират басына барды. Өнер иесі желіде жазба жариялап, марқұм досына деген сағынышын жеткізді.
Леонид Агутин өнердегі досы Батырхан Шүкеновтің зират басына барып, Instagram-дағы парақшасында фото жариялаған. Ресейлік әнші марқұм әртістің зиратына бармағанына біраз уақыт болғанын жасырмады.
«Алматыда жүргенде досымның зират басына барып қайттым. Бармағаныма біраз болыпты. Тауда әсем жерде орналасқан, айналасының барлығы тап-таза. Батырды білетін, оны мақтан тұтатын, оған қамқор болып жүрген жандарға алғыс айтамын. Қызығы, мыңға жуық адам жерленген үлкен бейітке қарай бет алғанда ары қарай қалай жүру керектігін білмедік. Жүргізуші бірінші кезіккен адамнан Батырдың зираты қайда деп сұрады. Ол қай Батыр екенін анықтамай-ақ, бірден жол көрсетті. Батыр, қымбаттым, қайталанбас тұлға. Сені қатты жақсы көреміз, сені сағындық», - деп жазды Агутин.