RUS
SMARTNEWS.KZ басылымының хабарлауынша, қыздың өзі сынып жетекшісіне зорлық-зомбылыққа ұшырағанын айтқан. Артынша күдікті ұсталып, қылмыстық іс қозғалған.
Павлодар облысындағы аудандардың бірінде өгей әкесі мектепте оқитын қызын зорлап келген.
«Аудандардың бірінде 16 жасқа толмаған қыз бала өгей әкесі тарапынан жыныстық зорлыққа ұшырағаны туралы оқиға анықталды. Бұл жағдай сынып жетекшісінің арқасында белгілі болып отыр. Ол қызбен сөйлесіп отырып, біраз уақыттан бері өгей әкесі кәмелет жасына толмаған қызды зорлап келгенін анықтаған.
Аталған қылмыстық дерек барлық өкілетті органдарға, соның ішінде маған хабарланды», - деп мәлімдеді өңірлік балалар омбудсмені Сәуле Шәкенова.
Жыныстық зорлық-зомбылықтың құрбаны болған жасөспірім медициналық мекемеге жатқызылған, онымен психологтар жұмыс істеп жатыр. Өгей әкеге қатысты ҚР Қылмыстық кодексінің 120-бабы бойынша іс қозғалды.