RUS
SMARTNEWS.KZ басылымының хабарлауынша, әлеуметтік желіде «Жаным-Баклажаным» лақап атымен танылған Айдын Тоқсанбаева экс-жұбайы Саяжан Ешанқұловпен болған дауды жайып салды.
Блогердің сөзінше, жанжалға себепкер болған ұлының басқа елдерге саяхаттау үшін әкесінің рұқсат қағазы керек көрінеді.
«Шетелде жүрген адам ғана түсінер. Сонша жүріп барлық құжатты бітірдім дегенде сенің өміріңде жоқ адамның рұқсат қағазын сұрайтынын білмедім. Елден кеткенімізге екі жыл болып еді. Сонша күйіп, пісіп, ашуланып, иттік жасап, ақыры ұтылдым.
Бір жапырақ әкесымақтың рұқсатын ала алмағандықтан бір балам АҚШ-тан басқа елге шыға алмайтын болды. Тіпті Қазақстанға да бара алмайтынын түсінбейді. Құжат үшін бұрынғыны еске алып, біреудің жырын жариялау – оңбағандық. Бірақ үміт болды. Өмір сүруді жалғастырамыз. Ұлым 14 жасқа келгенде не үшін шетелге шыға алмайтынын түсіндірермін», – деп жазды блогер.
Айдын Тоқсанбаева – төрт ұлды тәрбиелеп отырған көпбалалы ана. Ол бұған дейін үш ұлын өзі асырап алып, бауырына басқан. Сол әрекетімен желіде танымал болып, көптің сүйіспеншілігіне бөленген блогер. Ол бірнеше жылдар бұрын Саяжан Ешанқұловпен есімде қазақ жігітіне тұрмысқа шығып, артынша ол Айдынды төрт баламен тастап кеткен.
Қиындықтардан соң АҚШ-қа оқуға түсіп, артынша сол жақта жұмыс істеуді бастаған блогер екі жыл бұрын Майк есімді америкалық филиппин азаматпен бас қосып, ұлдарымен АҚШ-қа түбегейлі қоныс аударған. Қазір Майк пен Айдын 4 ұлды бірге тәрбиелеп отырған желі қолданушыларының сүйікті жұбы.