RUS
Қазақтың ән өнеріне қоңыр даусымен, қазақы бояулы үнімен қосылып, дәстүрлі әннің майын тамызып орындаған шебер әнші, Биғазы Тұтқабеков Қарағандының Жаңарқа топырағының түлегі еді. 2006 жылы көлік апатынан көз жұмған марқұм Биғазы Тұтқабеков дәстүрлі әнші ғана емес, «Серпер» тобының мүшесі, «Аршын» тобы мен сол жылдардағы енді сахнаға шығып келе жатқан жас әнші Баян Нұрмышеваның продюсері болған. SMARTNEWS.KZ басылымының хабарлауынша, дәстүрлі әнді жаңғыртқан марқұмның қызы Қарлығаш Биғазықызы кеше ұзатылған.
Қарлығаштың өзі де әнші. Ол Күләш Байсейітова атындағы мектепте пианино бойынша білім алған. Дирижер болған, сонан соң Жүргенов атындағы өнер академиясында эстрада-вокал бағыты бойынша үшінші оқыды. Естеріңізде болса, ол «Қазақстан» ұлттық арнасындағы Qazaqstan дауысы жобасына қатысып, сәтті өнер көрсеткен.
Ол бұл жобаға әкесінің есімін өшірмеу үшін келгенін де алға тартқан болатын.
Бұрын көп адам танитын. Уақыт өте келе ұмыт бола бастағанын байқамын. «Биғазы?» деп ойланып қалады. Айтып түсіндірген соң барып есіне түсіреді. Қайта жаңғыртсам деймін. Сондықтан да Қарлығаш Биғазықызы деп әкемнің атымен шығып жүремін. Әкемнің атын өшірмеу мақсатында келіп тұрған жайым бер, - деді бойжеткен.
Қарлығаштың жары да музыкант. Есенәлі есімді жігіт гитарада ойнайды. Жастардың тойы туралы журналист Анна Данченко жеке парақшасында бөлісті.