RUS
SMARTNEWS.KZ басылымының хабарлауынша, синоптиктер 21 қарашада Қазақстанның 18 аймағында күн райы бұзылатынын ескертті.
21 қарашада Қарағанды облысында бұрқасын, көктайғақ күтіледі. Оңтүстік-батыстан, батыстан жел соғады, түнде облыстың солтүстігінде, шығысында екпіні 15-20, күндіз 15-20.
Астанада тұман, көктайғақ күтіледі. Күндіз бұрқасын. Оңтүстік-батыстан соғатын жел солтүстік-батысқа ауысады.
Түнде және таңертең Атырау облысының солтүстігінде, оңтүстігінде, шығысында тұман түседі. Оңтүстік-шығыстан жел соғады, күндіз облыстың батысында, солтүстігінде екпіні 15-20 м/с.
21 қарашада түнде және таңертен Жетісу облысының таулы аудандарында тұман түседі. Батыстан жел соғады, облыстың шығысында екпіні 15-20 м/с.
Павлодар облысының батысында қатты жауын-шашын (көбінесе қар) күтіледі. Көктайғақ, облыстың батысында, оңтүстігінде жаяу бұрқасын болады. Оңтүстік-батыстан соғатын жел солтүстік-шығысқа ауысады, облыстың батысында, оңтүстігінде күші 15-20, екпіні 23 м/с.
Түнде Солтүстік Қазақстан облысының солтүстігінде тұман түседі.
Абай облысының батысында, солтүстігінде, орталығында бұрқасын, көктайғақ күтіледі. Жел оңтүстіктен, оңтүстік-батыстан соғады, облыстың батысында, солтүстігінде, орталығында 15-20, екпіні 23 м/с.
Шығыс Қазақстан облысының солтүстігінде, шығысында кей уақыттарда қатты жауын-шашын (жаңбыр, қар) жауады. Облыстың батысында, солтүстігінде, шығысында бұрқасын, көктайғақ күтіледі. Жел оңтүстік-шығыстан, оңтүстіктен соғады, облыстың батысында, солтүстігінде, шығысында 15-20 м/с.
Қызылорда облысының орталығында, солтүстігінде тұман түседі.
Түнде және таңертең Ақтөбе облысының батысында, солтүстігінде, орталығында тұман түседі.
Жамбыл облысының таулы аудандарында көктайғақ күтіледі. Облыстың оңтүстігінде, таулы аудандарында тұман түседі. Солтүстік-батыстан жел соғады, облыстың таулы аудандарында 15-20 м/с.
21 қарашада Түркістан облысының оңтүстігінде, батысында, солтүстігінде, таулы және тау бөктерлі аудандарында тұман түседі. Солтүстік-шығыстан жел соғады, облыстың тау асуларында күші 15-20 м/с.
Таңертең және күндіз Ақмола облысының оңтүстік-батысында, шығысында қатты жауын-шашын (жаңбыр, қар) күтіледі. Облыстың басым бөлігінде бұрқасын, көктайғақ, тұман болады. Оңтүстік-батыстан соғатын жел солтүстік-батысқа ауысады, түнде облыстың батысында, солтүстігінде, шығысында екпіні 15-20 м/с, күндіз 15-20.
Түнде және таңертең Батыс Қазақстан облысының солтүстігінде, шығысында тұман түседі. Оңтүстіктен, оңтүстік-шығыстан жел соғады, күндіз облыстың батысында, оңтүстігінде екпіні 15-20 м/с.
Түнде және таңертең Маңғыстау облысының солтүстігінде тұман түседі. Оңтүстік-шығыстан жел соғады, күндіз облыстың батысында 15-20 м/с.
21 қарашада түнде Қостанай облысының солтүстігінде, шығысында, оңтүстігінде бұрқасын, көктайғақ күтіледі. Облыстың батысында тұман түседі. Солтүстік-батыстан соғатын жел оңтүстік-батысқа ауысады, облыстың солтүстігінде, шығысында 15-20 м/с.
Түнде және таңертең Алматы облысының оңтүстігінде, тау етегіндегі, таулы аудандарында кей уақыттарда тұман күтіледі. Батыстан жел соғады, облыстың оңтүстігінде, таулы аудандарында екпіні 15-20 м/с.
Алматыда 21 қарашада түнде және таңертең кей уақыттарда тұман түседі.