RUS
Тұрғындардың бір бөлігі «ату керек!» десе, енді бірі арнайы пана салу идеясын қолдайды. Ондағы иттерді асырау үшін де аз қаражат жұмсалмайтыны белгілі. Күніне шамамен 5 мың теңге қажет екен.
Экология және табиғи ресурстар вице-министрі Нұркен Шәрбиевтің айтуынша, депутаттар бұралқы иттерді аулап, ортасына қайтармауды ұсынып отыр,
«Ал қазіргі заңға сәйкес иттерді аулайды, зарарсыздандырады, вакцина егіп, қайта ортасына жібереді. Елордадан өзге өңірлерде осы принциппен жұмыс істеп жатыр. Заңдағы жаңашылдық қаңғыбас итті аулап, 14 күн ұстау, сол уақыт аралығында иесінемесе панажай табылмаса итті жою, ал өлексені жою ветеринарлық-санитарлық тәртіп бойынша жүзеге асырылады», - деді Нұркен Шәрбиев.
Вице-министр бұралқы иттерді аулап, өмір бойы бағу керек деген ұсыныстардың барын жасырмады.
«2023 жылы 1 қыркүйектен бастап үй жануарларын иелері тіркеп, чиптеу нормасы күшіне енді. Егер тіркелген, иесі бар итті аулаған жағдайда, оны 60 күн бойы ұстайды және иесіне алып кетуін хабарлайды. Еуропа басқа да әлемді осы тәсіл қолданылады. Өткен жылы ел бойынша 247 мың ит ауланды. Егер ауланған иттерді табиғи жолмен өлгенше асырау керек болса, оларды зарарсыздандыруға, вакциналау және тіркеуге шамамен 20 млрд теңге қажет. Облыстар ұсынған статистикаға сәйкес бір итті асырауға күніне 5 000 теңге жұмсалады, ал былтыр ауланған 247 мың итті асырауға 400 млрд теңгенің үстінде қаржы қажет етеді», - дейді ол.