RUS
SMARTNEWS.KZ басылымының хабарлауынша, Мәскеу маңындағы Мытищи қаласында отбасылық жанжал қайғылы аяқталды. ФЭСТ театры актері Владислав Бенграф пен оның жұбайы Евгения Бенграф пәтердегі қақтығыс кезінде көз жұмды.
Алдын ала мәлімет бойынша, оқиға түнгі уақытта болған. Ерлі-зайыпты арасында сөз таласы ушығып, соңы ауыр салдарға әкелген. Қақтығыс барысында екеуі де асүй пышақтарын қолданған. Ер адам әйеліне бірнеше жарақат салған, өзі де жараланған.
Оқиға орнына келген құтқарушылар есікті бұзып кірген. Дәрігерлер келгенде ерлі-зайыптының қайтыс болғаны анықталған.
Тергеу органдары аталған дерек бойынша қылмыстық істер қозғап, оқиғаның мән-жайын анықтап жатыр. Оқиға орнынан пышақтар тәркіленіп, сараптамалар тағайындалған.
Белгілі болғандай, Владислав пен Евгения бір театрда қызмет еткен: ол — актер, ал жұбайы грим цехының меңгерушісі болған. Әлеуметтік желілерде олар жиі бірге түскен суреттерін жариялап жүрген.