RUS
Бүгін Алматыда ер адам автобус контролерін ас үй пышағымен жарақаттағаны туралы бейнежазба тарады.
Оқиға Алматының Наурызбай ауданындағы соңғы автобус аялдамасында болған. Белгіленбеген жерде темекі тартып тұрған 38 жастағы ер адамға автобус контролері ескерту жасап, екеуі сөзге келіп қалған.
«Ер адам автобус салонына жүгіріп кіріп, контролерді пышақпен жарақаттаған. Жедел жәрдем қызметкерлері оны шұғыл түрде ауруханаға жеткізді. Аталған жайтқа қатысты қылмыстық іс қозғалды, – деді Алматы қалалық полиция департаментібасшысының бірінші орынбасары Қуатбек Науатов.
Бұл жайт бейнебақылау камерасына түсіп қалған. Күдікті тез арада ұсталып, уақыша ұстау изоляторына қамалды.