RUS
SMARTNEWS.KZ басылымының хабарлауынша, танымал актриса әкесі мен Шөмішбай Сариевтің жақындығы туралы айтып, балалық шағын еске алды.
«Дүниені жалт қаратқан еді…
Шөмішбай Нағашыбайұлын бала күнімде жиі көретінмін. Әкеммен ұзақ әңгімелесетін. Кейде дауыстары дарылдап қатты шығып кететін, кейде тістері жарқырап күлетін. Есімде қалғаны екеуі амандасқанда, сосын қоштасқанда ұзақ тұрып құшақтасатын. Тау тұлғаның ұлылылығын бала болып түсіне алмадым ба, әлде тым кішкентай болдым ба білмеймін.
Өткен апта Жұмагүл апам анашым екеумізге шақырту жіберіпті. Шөмішбай Сариевтің шығармашылығына арналған «Сағынышты Сарыарқа» атты концертке бардық. Бір үзік сіздерге де ұсынайын», – деп жазды ол.
Айта кетейік, мемлекет басшысы Қасым-Жомарт Тоқаев та Франц Кафка атындағы халықаралық Алтын медаль сыйлығының лауреаты, қазақ руханиятының аса көрнекті өкілі, белгілі ақын Шөмішбай Сариевтің шығармашылығына арналған кешке барған еді.
Концертте қазақстандық эстрада жұлдыздары өнер көрсетіп, эстрадалық-симфониялық оркестрдің сүйемелдеуімен ақынның «Айналдым сенен, Атамекен-ай», «Сәлем саған, туған ел», «Аяулым», «Домбыра туралы баллада», «Өкінбе сен», «Өмір-өзен», «Сағындым сағым жылдар», «Дос керек», «Сарыарқа» және тағы басқа өлеңдеріне жазылған, халық сүйіспеншілігіне бөленген әндер орындалған.