RUS
SMARTNEWS.KZ басылымының хабарлауынша, полиция Темірлан Өмірбаевты іздестіріп жатыр. Құзырлы органдар азаматтардан сақтық танытып, баланы көрген адамдар болса, оның қайда екенін хабарлауды сұрайды. Бұл туралы Павлодар-онлайн басылымы жазды.
Полицияның хабарлауынша, құқық қорғау органдарына 2009 жылы туған Темірлан Өмірбаев есімді баланың туыстары хабарласқан.
«22 қараша күні сағат 3.00 шамасында кәмелетке толмаған азамат М.Әуезов, 157 мекен-жайынан шығып кетіп, оралмағаны анықталды», - деп хабарлады полициядан.
Белгілері: бойы 170-180 см, дене бітімі орташа, шашы қара қоңыр, көзі қоңыр, сол жақ бетінде мең бар. Кәмелетке толмағанның үстінде ашық қоңыр-қара күрте, қара джинсы шалбар, қара қалпақ және қара кроссовка. Оның жанында ұялы телефон бар.
«Кәмелетке толмаған баланың жүрген жері туралы ақпарат болса, полицияның 102 нөміріне немесе Екібастұз қаласының полиция басқармасына 8 (7187)75-05-45, 75-05-54 телефондары арқылы хабарласуды сұрайды», - деп хабарлады полициядан.