RUS
SMARTNEWS.KZ басылымының хабарлауынша, жаңадан сайланған президент Дональд Трамп АҚШ армиясындағы барлық трансгендерді жұмыстан қуады.
The Times мәліметінше, медициналық тексерістер қорытындысы бойынша 15 мың әскери қызметкер әскери қызметке жарамсыз деп танылып, пагондарынан айырылмақ.
Былтыр сарбаздарды қатарға қосу кезінде бастапқы жоспардан 41 мың адамның кем болғанын ескерсек, аяқ астынан 15 мыңнан астам әскери қызметкердің жұмыстан қуылуы жауынгерлік бөлімшелерге әкімшілік жүктемені арттырады, бөлімшелер арасындағы ауызбірлікті бұзып, дағдылардағы маңызды олқылықтарды күшейтеді, — деді Американың қазіргі әскери қауымдастықтары директоры Рэйчел Бранаман басылымға берген сұхбатында.
Дональд Трамптың жаңа жарлығы 2018 жылдың наурызында шыққан жарлығына қарағанда әлдеқайда қатаңырақ болады деген болжам бар. Ол кезде Трамп трансгендерлердің армия қатарына қосылуына тыйым салып, бірақ қызметте жүргендерге жұмысын жалғастыруға рұқсат берген еді. Алайда Джо Байден бұл шешімді 2021 жылдың қаңтарында жойды.