7 жасар мектеп оқушысын автобус жүргізушісі қағып өлтірді
Елде автобустың қатысуымен болатын өлім жиілеп кетті.
Соңғы жылдары елімізде автобустың қатысуымен болатын жол-көлік оқиғалары артып, өлім де жиілеп кетті. Әсіресе, Алматы қаласында азаймай тұр.
Бүгін Алматы қаласының кіреберісінде орналасқан «Асыл Арман» тұрғын үй кешенінің аумағында оқушыны автобус басып кетті.
Оқиға салдарынан 7 жасар бала қайтыс болды. Бұл деректі Алматы облысының Полиция департаменті растады.
– 27 қарашада JAC автобусының жүргізушісі «Асыл Арман» тұрғын үй кешенінің тұрақ аумағында артқа жүрген кезде 7 жасар баланы қағып кеткен. Ол алған жарақаттарынан оқиға орнында көз жұмды. Қазіргі уақытта сотқа дейінгі тергеу жүргізіліп жатыр, - деп хабарлады облыстық ПД баспасөз қызметі.
Материал авторы
