RUS
SMARTNEWS.KZ басылымының хабарлауынша, әйгілі “Бауыржан-шоу” театрының әртісі болған, актер Алмат Сақатов студенттік жылдарын есіне алды.
Өнер иесі “1001 түн” бағдарламасында қонақ болып, жастық шағының фотосын көрсетті.
“Жас кезімізде біз не істемедік?! Шаш та боялды, химия да істелді. Құлаққа сырға да тақтық. Суретте мен 20 жастамын. Өзім әскерден енді келген уақытым. Менің осы бейнем – қоғамға деген қарама-қайшылық екен. Қоғамға деген қарсылығымды, бұлай болмайды, мен ойымдағыны дәлелдеуім керек деген іс-әрекетім. Құлағымды Ғани Құлжанов тесіп берген. Сол кезде мен "құлағымды тессем, қалай болады?" деп едім, Ғани да мені қолдай кетті.
Құлағымды ысқылап-ысқылап, қотыр қылып жіберген. Кейін құлақты қалай тесу керегін қыздардан сұрадық. Бұл жылдары әлі тәуелсіздік ала қойған жоқпыз. Кеңес Одағына қарап тұрған кезіміз. 1986 жылы әскерге кеттім, Желтоқсан оқиғасы болды. Бұл сырғаны шешу керегін үйленген кезде бір-ақ түсіндім", – деді актер.