RUS
Бұл туралы өңірлік экономикалық тергеу департаментінің өкілдері — басшының орынбасары Қамбар Қабдуллин мен департаменттің бірінші жедел басқармасының бастығы Жоламан Қиналбеков хабарлады.
«Заңсыздықтың бірі Павлодардың индустриялық аймағындағы базалардың бірінде тіркелді. Бұл жерде заңсыз майнинг ұйымдастырылып, криптовалюта өндірілген. Арнайы рұқсаты жоқ, тиісті салық төлемеген кәсіпкер 39 миллион теңгеге жуық табыс тапқан.
Барлық майнинг техникасы тәркіленді. Ал екінші жағдайда күдікті криптоәмиян арқылы тауарды сатудан түскен пайданы қолма-қол ақшаға айналдырып, заңсыз айырбастау операцияларын жүргізген. Ер адам Қазақстанда да, Ресейде де заңсыз қызметпен айналысқан. Оның табысы шамамен 60 миллион теңгеге жуықтаған», — деп мәлімдеді департамент өкілдері
Екі дерек бойынша да ҚР Қылмыстық кодексінің 214-бабы «Заңсыз кәсіпкерлік, заңсыз банктік, микроқаржыландыру немесе коллекторлық қызмет» бойынша қылмыстық іс қозғалды.