Жас һәм мас әкім: Павлодарлық мемқызметкер ұсталды
Павлодар облысындағы Қалқаман ауылдық округінің әкімі мас халде ұсталды.
Қалқаман ауылдық округінің 31 жастағы әкімі қызметтік автокөлікті мас халде жүргізген. Мұны медициналық сараптама растады. Тілеуғали Кендебай 15 тәулікке әкімшілік қамауға алынды. Сонымен қатар ол 7 жылға жүргізуші куәлігінен айырылды.
«Әдеп жөніндегі кеңестің шешіміне сәйкес, Қалқаман ауылдық округінің әкімі Тілеуғали Кендебайды қызметінен босату ұсынылды», - деді әдеп жөніндегі кеңестің төрағасы Асхат Іскендіров.
Айта кетейік, Қалқаман ауылдық округінің әкімі бұл лауазымға былтыр желтоқсанда тағайындалған болатын.
Материал авторы
