Футболдан гөрі футзалымыз тәуір: «Қайрат» финалдық кезеңге шықты

Мәселен, Алматының «Қайрат» командасы футзалдан Чемпиондар лигасының финалдық кезеңіне шықты.

В тобында қазіргі кезде алматылықтар 6 ұпаймен көш бастап тұр.

Франциялық «Этуаль» хорватиялық «Футзал Динамо» командасын 4:3 есебімен жеңгеннен кейін «Қайраттың» мерзімінен бұрын финалдық кезеңге шыққаны белгілі болды.

Екі турдан кейін «Этуальда» - 3, «Футзал Динамо» мен «Олмиссум» командаларында 1 ғана ұпайдан бар. Бірінші турда «Қайрат» «Этуальды» 4:2 есебімен жеңгендіктен, алдағы ойындардың нәтижесі ештеңені шешпейді.

Алматылықтар өз тобындағы соңғы кездесуін «Футзал Динамо» командасымен өткізеді.

Чемпиондар лигасының жартылай финалына «Қайраттан» басқа қалған үш топтың жеңімпазы жолдама алады.