RUS
SMARTNEWS.KZ басылымының хабарлауынша, Астана Полиция департаменті зорлық жасаған адамның бұрынғы полиция қызметкері екенін растаған. Бұл туралы Stan.kz жазды.
Желіде 2003 жылы туған бойжеткенді Астанада жедел уәкіл зорлады деген ақпарат тараған еді. Дереу полиция департаменті бұл ақпаратқа қатысты пікір білдірген.
Әлеуметтік желіде жазылғандай, полицей пәтерге келіп, қызға куәлігін көрсеткен. Оған бірнеше сұрақ қойып, кетіп қалған. Бірақ кейіннен қайтып айналып келіп, қоңырау шалу үшін телефон сұраған. Сөйтіп қызға шабуыл жасап, зорлық жасаған.
Астана Полиция департаменті зорлық жасаған адамның бұрынғы полиция қызметкері екенін, оның уақытша ұстау изоляторына (УҰИ) қамалғанын хабарлады.
"Ол ішкі істер органдарынан теріс себептермен жұмыстан шығарылған. Қазіргі уақытта қылмыстық іс бойынша тергеу жүргізіліп жатыр", - деді ведомство өкілдері.