Қазақстан авторлар қоғамы танымал әншілерге «іздеу» жариялады

Аиса Махамбет Редактор
30.11.2024, 17:38
978
Қазақстан авторлар қоғамы танымал әншілерге «іздеу» жариялады stan.kz

«Қазақстан авторлары қоғамы» (ҚазАҚ) өкілдері ұйымның сайтында жарияланған «іздеудегі әртістер тізіміне» қатысты мәлімдеме жасады.

SMARTNEWS.KZ басылымының хабарлауынша, ұйымның сайтында “iздеудегі авторлар тізімі” жарияланған. Тізімде Әли Оқапов, Димаш Құдайберген, Дархан Джуз, Иманбек, Қайрат Нұртас, Raim & Artur, RinGo, Sadraddin, Say Mo, Son Pascal, M'Dee, V $ X V PRiNCE, Ғалымжан Молданазар сияқты танымал тұлғалар бар. Бұл туралы Stan.kz жазды.

Ұйым жалпы саны 421 орындаушыға “іздеу” жариялаған. 

Белгілі болғандай, тізімде ҚазАҚ ұйымы туындыларын пайдаланғаны үшін ақы төлеуі тиіс өнер адамдары көрсетілген. Өнер адамдары осы тізімнен өздерін тауып, ҚазАҚ-қа хабарласуы керек.

"Біз барлық жерде оларды іздеуге міндеттіміз деп айтамыз, қоңырау шаламыз. Бұл адамдар сайтта ілініп тұр. Неліктен ол адам өзі қаламақысының қайда екенін іздемейді? Келіңіздер, біз барлық авторлардың қаламақысын төлеуге дайынбыз. Кейбір авторлық құқық иелері "Мен ақша алмаймын, ешқашан алған емеспін" дейді. Сіздің реквизиттеріңіздің қандай екенін біз қайдан білеміз?

Қазақстандағы өнерде, музыкада, виртуалды салада өнермен айналысатын бүкіл жас буынның директорлары, менеджерлері бар. Солар жұмыс істеуі керек. Авторлық және сабақтас құқықтардың не екенін, авторлық сыйақы қай жерде екенін білулері қажет. Олар бізге кез келген уақытта хабарласа алады, біз ашық ұйым ретінде ақшаны төлейміз. 5, 10 жылдың барлық ақшасы қазақстандық авторлар қоғамында жатыр", – дейді ҚазАҚ ұйымы бас директорының орынбасары Әнуар Ерсұлтан. 

Әділет министрлігінің сайтында ҚазАҚ ұйымының авторлардың туындысының тек көпшілік алдында орындалғаны немесе кабель арқылы және эфирде жарияланғаны үшін сыйақы алу құқықтарын жүзеге асыру бойынша аккредиттелгені көрсетілген. 

Журналистер ұйым өкілдерінен тиісті аккредитациясыз Meta-мен келіссөздер жүргізіп, авторлардың туындыларын сандық сегментте пайдалану үшін қаражат жинай алатынын сұрады. 

Ұйым өкілдері авторлық құқықты қорғауға қажетті құжаттар мен өкілеттіктердің барлығына ие екеніндерін мәлімдеді.

"Бізде сандық сегментте, авторлық құқықты қорғау бойынша кез келген сегментте аккредитация бар", - деді Қазақстан авторлар қоғамының бас директоры Айнұр Есендікова.

Еске салсақ, бұған дейін Instagram желісінде қазақстандық әртістердің әндері жоғалып кеткен еді. Бұған Қазақстан авторлар қоғамының талаптары себеп болғаны анықталды. 

Ұйым Meta компаниясынан авторлық құқықты пайдаланғаны үшін немесе оны пайдалану құқығын беру үшін төленетін ақыны арттыруды сұраған. Қазақстандық авторлар қоғамы төлемдердің жеткілікті түрде түспейтінін айтып, шағымданып отыр.

Бұл шектеулер қазақстандық әртістердің наразылығын тудырып, әлеуметтік желілерде қызу пікірталас туғызды. Әншілер мен композиторлар Қазақстан авторлар қоғамының қаржылық есеп беруі мен авторларға төлем жүргізу механизмдеріне күмән келтірді.

«Енді Rolls-Royce алып береді»: Динара Сәтжан жаңа күйеуінің өзін қалай еркелететінін айтып берді Шымкентте бір топ еркек құлағы естімейтін қызды тапшанда зорлап, соны видеоға түсірген «Сүйеу болар әкең жоқ»: Меруерт Түсіпбаева IELTS-тан жоғары балл жинаған Мақпал Жүнісованың қызын үлгі етті Тұрсын Алагөзов өз қызметкерлеріне қымбат көліктер сыйлады (ВИДЕО) «Ақталғым келмейді»: актер өз әйелін ұрғанын мойындап, оның ата-анасынан кешірім сұрады (ВИДЕО) Декретке миллионмен шыққан 113 әйел сотталмақ Үкімет зейнеткерлердің несиесі кешірілсін деген талапқа жауап қайтарды Ақтөбеде ер адам трансформаторлар ұрлаған «4 машина, 4 пәтер, ғимарат»: Перизат Қайрат миллиардты қайда жұмсағаны туралы тізім жасалды «Анасы адвокат болғасын қорықтым»: танымал әнші Say Mo бұрынғы актер күйеуінен зорлық көргенін жайып салды «Құдайдан қыз болып оянуымды тіледім»: Атышулы Амилай балалық шағынан сыр шертті Журналист Сәуле Әбілдаханқызының қандастар «елді сатып кетеді» деген жазбасын полиция тексеріп жатыр «Екі жыл бұрын ажырасып кетті»: Динара Сәтжан жолдасымен некесін қиды Ақтөбеде марқұмның туыстары ағасын рұқсатсыз жерлеген екі ведомстводан өтемақы талап етті Әйелін бірнеше жыл сабаған дипломат Сәкен Мамаш Астанада тұтқындалды «Мектепте «мини юбка» киген қыздар жүкті болып жатыр»: Атышулы блогер мектепте орамалды рұқсат етпейтін заңға ренжіді Танымал актер әйеліне лифтіде шабуыл жасағаны үшін түсірілім алаңынан қуылды (ВИДЕО) Спортшы Сұлтан Заурбекке Шымкент қаласының әкімі демеушілік жасай ма? Қуандық Бишімбаевтың әкесі Таразда Bishimbayev University оқу орнын ашпақ Ақтауда өтіп бара жатқандар қызды зорламақ болған ер адамды тұрғындар ұстап алды