RUS
Алматыда жер үйлердің бірінен егде жастағы ерлі-зайыптылардың мәйіті табылды. Желідегі мәліметке сәйкес, ер адам 87 жаста, ал әйел 89 жаста болған.
Алматы қаласының Полиция департаменті кісі өлтірді деген күдік бойынша 56 жастағы әйел ұсталғанын хабарлады. Полиция мәліметінше, ол қарт кісілердің танысы екен.
«Түрксіб аудандық полиция ьасқармасы кісі өлтіру дерегі бойынша қылмыстық іс қозғады. Күдікті ұсталып, қамауға алынды. Алдын ала мәлімет бойынша, 56 жастағы әйел жанжал кезінде өзінің таныстарын өлтірген. Оқиғаның басқа да мән-жайлары анықталып жатыр», - деп хабарлады қалалық ПД баспасөз қызметі.