Қазақстандықтар тойып тамақтанып жүр ме?

- Бұл мәселе өте маңызды. Кейбіреулері осы шығындарға қатысты шатастырып жатады, яғни «тапқан табыстың жартысы азық-түлікке жұмсалып жатыр» деп айтады. Ол – дұрыс емес. Жалпы, тұтыну (азық-түлік және азық-түлік емес тауарлары, ақылы қызметтер) шығындарының ішінде 50 пайызы азық-түлікке жұмсалатынын білеміз және оны мойындаймыз.

Ал тұтыну шығындары – тапқан табысымыздың 50 пайызы. Себебі табысымызды тұтыну шығындарынан бөлек, несиені жабуға немесе бала-шағаға керек заттарды алуға, қарызды жабуға, оқуға ақысына төлейміз. Осының бәрін ескере отырып, қазір бүкіл табысымыздың 22,2 пайызын азық-түлікке жұмсап жатырмыз деп айтуға болады, – деді С.Жұманғарин.