«Ұшақты қалай айдаймын деп түнімен ұйықтамадым»: Кенжебек Жанәбілов Музарт тобына қабылданған сәтін айтып берді (ВИДЕО)

SMARTNEWS.KZ басылымының хабарлауынша, өнер иесі аңызға айналған топқа қабылдану оңайға соқпаған. 

“Ауылдан жаңа келген кезім. Гастролдік сапармен шығайын деп тұрмыз. Маған билет жетпей қалды. “Кенжебек ауылдан келді, менің орныма ұшсын” деді Сәкен аға.

Қасымдағылар “Сенің билетіңмен ол ұшалмайды” деп түсіндіріп жатыр. Бір кезде Мейрамбек аға “Кенжебек, қорықпа, ұшақ айдап барасың, саған билет табылмай тұр” деді. Өзі “тежегішті ғана ұстап отырасың, қонатын кезде ақырын жібересің. Түк қиын емес” деді. Қонақ үйдегі бөлмеге келіп, ұйқы жоқ. Түнімен көз ілмедім. Ұшақты қалай айдаймын деп уайымдадым.

Таңертең әуежайға келсек, “саған билет табылды” деп ағаларым қарап тұр. Мен түнімен ұйықтамай, таңды көзбен атырып жүрсем. Кейін олар маған пранк екенін айтты. Сондай қызық оқиғалар болған”, – деп күлді әнші.