RUS
Бұл ретте, биыл тұрғын үй құрылысын ынталандыруға шамамен 965 млрд теңге қаражат бөлу жоспарланған. Бұл туралы Өнеркәсіп және құрылыс министрі Қанат Шарлапаев мәлімдеді.
«Салаға инвестицияны қарқынды тарту үшін Үкімет тұрғын үй құрылысын ынталандыру бойынша бірқатар шара қабылдады. Биыл бұл мақсатқа шамамен 965 млрд теңге қаражат жоспарланған. Бұл 160 000 астам азаматты 41 000 жаңа баспанамен қамтуға мүмкіндік береді. Сонымен қатар, осал топтарға қол жетімді құралдарды ұсынуға ерекше көңіл бөлініп жатыр. Биыл мемлекеттік қаражат есебінен 22 мыңнан астам жалдамалы пәтер сатып алу үшін, 336 миллиардқа жуық теңге қарастырылды», — деді Қанат Шарлапаев Үкімет отырысында.
Министрдің мәлімдеуінше, жыл соңына дейін 165 млрд теңгеге мемлекеттік бағалы қағаздар шығару арқылы 10 000 астам кредиттік тұрғын үйді пайдалануға беру жоспарланған.
— Бүгінгі күні, аталған пәтерлер бойынша 2-5% жеңілдетілген ипотекалық несие арқылы 7861 несие берілген. Тұрғылықты аудандарына инженерлік желілерді тартуға 83 млрд теңге бөлінді. Оның ішінде 34 млрд теңгесі, 21,2 мыңнан астам жер телімін инфрақұрылыммен қамтамасыз етеді. Биыл мамырдан бастап, «Наурыз» жаңа тұрғын үй бағдарламасы іске қосылды. Оның аясында осы жылы 300 млрд теңгеге 12 000 ипотекалық несие беру жоспарлануда. Қазір шамамен 172,4 млрд теңгеге 6628 несие берілді, — деді ол.