RUS
Алайда, кездесу жақындай бергенде «Челси» командасының басшылығы жұлдызды ойыншыларды алаңға шығармай, жұртшылық аса тани бермейтін жастарға сенім артатынын мәлімдеді.
УЕФА сайтындағы жаңартылған өтінімге қазірдің өзінде 11 тәрбиеленуші еніп отыр: Харрисон Мюррей-Кэмпбелл, Кайден Уилсон, Тайрик Джордж, Киано Дайер,Харрисон МакМахон, Сэмюэль Рак-Саки, Ато Ампах, Макс Меррик, Джош Ачемпонг, Шумайра Мхука және Ричард Олис.
Ағылшындар жас таланттармен де «Астананы» ұтатынына сенімді сияқты. Олар Алматыға ұзақ уақыт сапарлап келетінін ескерсек, клуб басшылығы тәжірибелі ойыншыларды тынықтырып, алдағы маңызды ойындарға сақтап отыр десек те болады.
Қымбат билет сатып алған қазақстандық жанкүйерлерді түсінуге болады. Десе де, мұндай маңызды кездесуде билеттің құнына емес, ұлттық рухқа мән беріп, сүйікті команданы барынша қолдаған дұрыс сияқты.