RUS
SMARTNEWS.KZ басылымының хабарлауынша, Талғарда көз жұмған жасөспірім Шерзат Полаттың әкесі Қаржаубай Нұрымов БАҚ өкілдерімен кездесуді талап еткеннен кейін оны полиция ұстап алып кеткен еді. Оқиғаның қалай болғанын Stan.kz тілшісіне куәгер Дінмұхамед Қаматай айтып берген.
“Біреуге пышақ тақады дегеннің барлығы өтірік. Ол пышақты өзін қорғау үшін ғана ұстады. “Егер маған жақындасаңдар, маған осы жерде әділ сөзді айтқызбасаңдар қолымды кесемін, деді. Ешкімге пышақ сермеген де тақаған да жоқ. Ол БАҚ өкілдерін күтіп, соларға шындықты айтамын деді. Қаржаубай ағаға қатысты ешқандай іс қозғалмауы керек. Нұрқанат бауырымыз өзіне қол жұмсады дегенге Қаржаубай аға да, мен де, бүкіл қазақ халқы келіспейді. Ол өзінің бауыры үшін күресті. Әділдікке қол жеткізген кезде мұндай қадамға бармас еді", – дейді куәгер.
Куәгердің айтуынша, Қаржаубай Нұрымов тек қана шындықты айтқысы келген және ешқандай митинг ұйымдастырмаған.
“Мен келген кезде Қаржаубай ағамыз бір көлікті қыспаққа алыпты. Қаржаубай аға көліктегі адамды шығармақ болған, алайда ол шықпай қойған. Көлікпен жолын бөгегеннен кейін туыстарының барлығы сол жерге жиналды. Ол жерге барлық құқық қорқау органдары келді. Қаржаубай ағаның бір ғана талабы болды. Ол – әділ тергеу. Жаңағы адамды шығарып, сол жерде тергеу жүргізуді талап етті. Өйткні Нұрқанаттың денесін тапқанда сол адам көрген деген күдік бар. Қаржаубай аға тек шындықты айтқысы келді. Ешқандай митингіге үгіттеген жоқ. Сол жерде тұрып, “Маған тек әділдік керек” деді”, – дейду Дінмұхамед Қаматай.
Оның сөзінше, марқұм Нұрқанат Ғайыпбаевтың бір уақытта бірнеше адамға хабарлама жіберуі мүмкін емес, дейді. Сөзінше, марқұм көзі тірісінде тек аудиохабарлама қолданған. Сондай-ақ өте сауатты жазатын болған.
“Қалай бір уақытта бірнеше адамға хабарлама жібереді. Ол әрдайым аудохабарлама жібереді екен. Жай ғана хат жазып кете салуы мүмкін емес. Сонямен қатар Нұрқанат қатесіз жазатын. Менің ойымша хабарламаларды Нұрқанат жазбаған”, – дейді ол.
Еске салсақ, кісі қолынан қаза болған жасөспірім Шерзат Полаттың әкесі Қаржаубай Нұрымов бұқаралық ақпарат құралдарымен кездесуді талап етті. Газельдің үстіне шыққан Қаржаубай журналистер келмеген жағдайда өзіне қол жұмсайтынын мәлімдеді.