Махмұд Сабырхан Азия чемпионы атанды

Ол 54 келіге дейінгі салмақта финалдық жекпе-жегін Өзбекстан өкілі Шахзод Музаффаровпен өткізді. Бірінші кезеңде Махмұд 4:1 есебімен басымдылық танытты. Екінші кезеңде қазақстандық боксшы шабуылын үдеткенімен, есеп өзгерген жоқ. Қорытынды есеп – 4:1.

Естеріңізге салсақ, осыдан екі жыл бұрын Азия біріншілігінде Махмұд Сабырхан күміспен күптелген еді.

Ал, Санжар Тәшкенбай 48 келіге дейінгі салмақта өзбекстандық Шодиержон Меликузиевпен қолғап түйістіріп, ұтылып қалды. Қоржында – күміс жүлде.

Кездесуге тоқталсақ, бірінші раундта бес төрешінің төртеуі өзбек боксшысы басым деп тапты. Екінші кезеңде Санжар таразы басын өзіне аударды – 4:1. Бірақ үшінші раундтарефери Санжарды нокдаун алды деп есеп ашты. Қорытынды есеп – 4:1.

Санжар Тәшкенбайдың бұған дейін де Азия чемпионы деген атағы бар екенін атап өткен жөн.