RUS
SMARTNEWS.KZ басылымының хабарлауынша, Мақпал Жүнісова қызы Мерейге бар шындықты қалай айтқанын еске алып, жан сырын ақтарды. Өнер иесі ұзақ жыл бойы сақтап келген құпияны неге ашуды шешкенін түсіндірді.
Мақпал Жүнісова марқұм Заманбек Нұрқаділов бұл шындықты қызы 18 жасқа толғанда өзі айтпақшы болғанын жеткізді. Алайда эстрада жұлдызы жолдасы қалаған жаста Мерейге ақиқатты айта алмаған.
"Ол шындықты не үшін айттым? Қыз өсті. Оның үстіне Зәкең көзінің тірісінде "Мерей 18-ге келгенде өзім айтамын" деген. Сол кісінің аузынан шыққан сөз. Қыз 18-ге толды, мен айта алмадым. 19 жасында да айта алмадым. 20-ға жақындағанда айттым. Сол кезде ол жігіттермен кездесуге барады, танысады. Сосын келіп, руларын айта бастайды. Өзін албанмын дейді. Ол – өтірік қой.
Арғынның қызы, қаракесек. Сол кезде шындықты айтуға бекіндім. Өз тегін, руын білсін деп ойладым. Ертең күйеуге шыққанда өтіріктен бастайды ма деген ойлар да кетті. Зәкең айтамын деген, енді өзім айтуым керек деп шештім. Содан кейін ана жақтағы балалар оған хабарласып мазалай бастады. Сол себепті маған шындықты айту керек болды", - деді әнші Дина Төлепбергенге берген сұқбатында.