RUS
SMARTNEWS.KZ басылымының хабарлауынша, Шерзат Болаттың әкесі Қаржаубай Нұрымовқа қатысты қылмыстық іс қозғалды. Бұл туралы адвокат Асқар Қаймақов әлеуметтік желідегі парақшасында мәлімдеді.
Талғар ісіндегі оқиғаларға қатысты бірнеше мәлімдеме жасау қажет деп санаймын. Полиция қызметкерлері айтқандай біздің өкілдер полициядан Қаржаубайды ұстауды сұраған жоқ.
Туыстары қаза тапқан Нұрқанаттың жеке хат-хабарларын жариялауға келісім бермеді.
Қаржаубайды 15 тәулік қамауға алу туралы сот қаулысын заңсыз деп санаймыз және оған апелляциялық шағым түсірдік. Бүгін Қаржаубай Нұрымовқа қатысты полиция ҚР ҚК - нің 202-бабы (бөтеннің мүлкін қасақана жою немесе бүлдіру) бойынша сотқа дейінгі тергеп-тексеруді бастады, - деді Асқар Қаймақов әлеуметтік желідегі парақшасында.
Бұған дейін Қаржаубай Нұрымов пен оның туыстары 15 тәулікке қамауға алынып, сондайақ қарындасына айыппұл салынған еді.