Көкшетаулық полицей америкалық рэперлерге продюсерлік еткен

Айта кетейік, Көкшетауда қылмыстық істерді тергеуге араласқан Ақжол Сыбайлас жемқорлыққа қарсы іс-қимыл ұлттық бюросында қызмет атқарып, аса маңызды істер бойынша аға тергеуші дәрежесіне дейін көтеріледі.

2019 жылы Ақжол "Болашақ" бағдарламасы бойынша Америкадағы университетке оқуға түсті. Алайда дүниежүзілік пандемия басталып кетеді. Одан кейін АҚШ-та қалуға мәжбүр болады. Сол сәтте ақша табудың жолын іздей бастайды. Халықаралық стипендиядан бас тартуға тура келіп, шығындарын өтейді. Сөйтіп, жүк көлігін сатып алып, кәсіпке бет бұрады. 

"Ақша таусылды, мен болашақтан не күтерімді білмедім. 2020 жылдың наурыз айында бір жүк көлігін сатып алдым. Қазір бізде 27 жүк көлігі бар, бірақ дағдарысқа дейін 53 жүк көлігі болды", – деді қазақстандық азамат.

"Үлкен әртістермен жұмыс істеу қиын. Өйткені олардың негізгі мотивациясы ақша емес. Ал бізде керісінше емес пе?! Бәрі біз ойлағандай бола бермейді. Рэперлермен келісім-шарт бірнеше рет бұзылған. Мысалы, Chris Brown бізбен емес, басқа продюсермен жұмыс істеу үшін қол қойды. Екінші рэпердің келіскенін күтеміз. Жұмысымыз уақыт пен шыдамдылықты қажет етеді. Xzibit және Wiz Khalifa-ның клипін дайындауға 6-8 ай уақыт кетті. Біз тендерге қатыстық, көптеген тексерулерден өттік. Біздің идеямыз бен сценарийіміз және бейнебаянымыз ұнап қалды. Ең қиын қатты қобалжытқан жобалардың бірі еді.

Xzibit, Ice Cube, Ice Spice, Chris Brown, Drake, Lil Wayne, 50 cent, Tyga, The Game-мен келісімдер жасасып жатырмыз. 50 cent-ке жұмысымыз ұнады. Оның менеджерімен қаржы мәселесін талқылап жатырмыз. Xzibit біздің жұмысымызға риза болды. Біз онымен келесі фильмді түсіруді жоспарлап отырмыз, егжей-тегжейлі талқылап жатырмыз. Менің жұмысым – жарнаманы іздеу, оларды орналастыру, – деп түсіндірді продюсер.