«Денесінде жарақат жоқ»: Марқұм Шерзаттың анасы жолдасы Қаржаубай Нұрымовпен кездескенін айтты

SMARTNEWS.KZ басылымының хабарлауынша, Шерзаттың анасы Гүлбара Бишімбиева күйеуі Қаржаубай Нұрымовтың жағдайы туралы айтты.

Гүлбара Бишімбиева 15 тәулікке қамалған Қаржаубай Нұрымовпен кездесіп, жағдайын біліп қайтқан. Қазір Қаржаубайдың жағдайы жақсы дейді ол.

“Бүгін мен адвокаттармен Қонаевқа Қаржаубайды көруге келдім. Заңды түрде бізге кездесуге рұқсат берді. Адвокатпен ішке кіріп, Қаржаубайды өз көзіммен көрдім. Жағдайы жақсы, денесінде жарақат жоқ. Үйден ыстық тамақ, жылы киім алып келдім.

Менің көзімше киімдерін ауыстырып, жағдайының жақсы екенін айтты. Алаңдағандықтан, көруге рұқсат сұраған едік. Өз көзіммен көрдім, Қаржаубайда барлығы жақсы”, – дейді Гүлбара Бишімбаева.