УЕФА Конференция лигасы: «Астана» маусымды аяқтады

Елордалық команда аталған кездесуде жеңіске жеткен жағдайда плей-офф сатысына жолдама алуы мүмкін еді.

Кездесу барысында кипрлік клубтан Анастасиос Донис 56-минутта есеп ашты. Оған қазақстандық командадан Кипрас Кажуколовас 64-минутта бір голмен жауап берді.

Командалар 1:1 есебіне қанағат білдіріп, тарасты.

«Астана» жалпы кезеңде бес ұпай жинап, плей-офф сатысына шыға алмай қалды.

Айта кетейік, «Астана» аталған турнирде бір мәрте жеңіске жетіп, екі ойында тең түссе, қалғанында қарсыластарына есе жіберді. Жалпы кезеңде 28-орынды місе тұтты.

Өз алаңында сербиялық «ТСЦ Бачка-Топола» (1:0) командасын жеңсе, португалиялық «Виториямен» (1:1) тең түсті. Сырт алаңда Уэльстің «Нью-Сейнтс» (0:2), кипрлік«Пафос» (0:1), «Челси» (1:3) клубтарына есе жіберді.