Астана көшелері қашанғы су астында қалады?

Орталық коммуникациялар алаңында өткен брифингіде шаһар басшысы Жеңіс Қасымбек аталған мәселе бойынша түсінік берді.

«Су басатын жердің саны 200-ден астам еді, қазір төртеуі қалды. Биыл күзде үлкен жұмыстар атқарылды. Қосымша коллекторлар (су ағарлар) салынып, су сорғылар қойылды. Енді көктемде Тұран даңғылында және Мәңгілік ел көшесінде мәселе болмайды деп болжап отырмыз, - деді Жеңіс Қасымбек.

Әкім қалада көшелер саны артып жатқанын, сәйкесінше алда су басатын көшелер пайда болуы мүмкін екенін де жасырмады.