RUS
SMARTNEWS.KZ басылымының хабарлауынша, Шымкентте жаңа қосылған шыршалардың бірінен түтін шығып, өртеніп кете жаздады.
Төтенше жағдайлар департаментінің кезекшілікте тұрған қызметкерлерінің жедел әрекет етуінің арқасында өрт 4 минут ішінде оқшауланып, толықтай сөндірілді.
Өрт сөндірушілердің арқасында зардап шеккендер мен жарақат алғандар болған жоқ.
“ТЖМ жаңа жылдық мерекелермен байланысты іс-шаралар кезінде өрт қауіпсіздігі ережелерін қатаң сақтаудың маңыздылығын ескертеді”, – делінген хабарламада.
Еске салайық, бұған дейін Шымкент қаласының әкімі Ғабит Сыздықбеков жаңа жылдық безендіруге 80 миллион теңге, соның ішінде әр ауданға 16 миллион теңгеге жуық қаржы жұмсалатынын айтқан еді. Оған қоса әкімдік бұрын алынған шыршалар мен безендіруге арналған бұйымдарды қайта қолданбақ.
Шымкентте 5 әкімшілік аудан бар. Салыстырсақ, былтыр Шымкентте безендіруге 74 миллион теңге, ал мерекелік іс-шараларға 36 миллион теңге жұмсалған.