RUS
SMARTNEWS.KZ басылымының хабарлауынша, АҚШ-тың жақында сайланған президенті Дональд Трамп елде балалардың жынысын ауыстыруға тыйым салмақ.
TurningPoint’s AmericaFest 2024 шарасында АҚШ президенті қызметіне ресми кіріскен күннен бастап трансендерлермен күрестің нақты қадамдарын жасайтынын айтты.
"Трамп басшылық еткен кезде АҚШ үкіметінде тек екі гендер ғана болады. Бұл қиын емес қой... Біз трансгендерлік лунатизмді тоқтатамыз. Мен балалардың жынысы ауыстыруына тыйым салу туралы жарлыққа қол қоямын. Әскерден, бастауыш мектептен, орта және жоғары оқу орындарынан трансгендерлерді қуып шығамын", – деді Дональд Трамп.
Оның айтуынша, трансгендерлер спортта да болмайды.
"Бізде әйелдер спортында ер адамдар болмайды және бұл жарлықты алғашқы күні-ақ қабылдаймын. Оны екінші не үшінші күнге қалдырудың не керегі бар", – деді Дональд Трамп.