Абат Айымбетов Түркияда үшінші матч қатарынан гол соқты
Түркияның «Адана Демирспор» клубының футболшысы, отандасымыз көпті өзіне қаратып жатыр.
SMARTNEWS.KZ басылымының хабарлауынша, «Адана Демирспор» клубының қазақстандық жартылай қорғаушысы Абат Айымбетов Түркия біріншілігінде шеберлігін көрсетуді жалғастыруда.
Айымбетов Суперлиганың 17-турының аясында «Хатайспор» қақпасына 75-минутта гол соқты. Ұлттық құрама шабуылшысы оң жақ қапталдан келген допты қақпаға дәл бағыттап, есепті өз клубының пайдасына 3:1-ге жеткізді.
Айта кетейік, Айымбетов Суперлигада осымен үшінші матч қатарынан мергендік танытып отыр. Бұған дейін жерлесіміз «Бешикташ» (2:1) пен «Гёзтепе» (1:3) клубтарының қақпаларынан саңылау тапты. Осылайша, Абат 11 ойында үш голмен ерекшеленді.
Материал авторы
