RUS
Әлеуметтік желіде депутаттың абориген сөзі сынға ұшырап, Еділ Жаңбыршинге қарсы түрлі пікірлер айтылып жатыр. Бұған депутаттың айтар өз уәжі бар.
«Африкадағы аборигендердей көрмеңіз деген мәселе айтылған. Себебі, өздеріңіз білесіздер еуропалықтар африкалықтарды отарлағанда олардың алтындары мен байлықтарын, тіпті адамдарын құл қылып, алып кетті. Ондай жасамау керек. Біз қазірөркениетті елде өмір сүріп жатырмыз. Сондықтан ондай схема бізге жасамауы керек.
Келдің ба, сол елдің халқын, мәдениетін құрметте. Мысалы, біздің домбыраны ұшақтың ішіне кіргізбейді. Ал егер Страдивари мен Паганинидің скрипкасы болса, кіргізер еді. Олай екітүрлі стандарт болмауы керек. Мемлекетке келдің бе, ол мемлекеттің білімі мен интеллектуалы төмен болса да, құрметтеуің керек. Мен негізі әуе компанияның қызметін сынадым. Абориген деген сөзді айтқаныма өкінбеймін, - деді Мәжіліс депутаты.